اردوورلڈکینیڈا( ویب نیوز)انسداد دہشت گردی عدالت نے عمران خان کے جی ایچ کیو حملہ کیس میں پیشی کے لیے سپرنٹنڈنٹ اڈیالہ جیل کو ویڈیو لنک کی تیاری کا حکم دے دیا ہے۔

آج بھی کیس کی سماعت مکمل نہیں ہو سکی، جس کے بعد ملزمان شیخ رشید، سیمابیہ طاہر اور دیگر عدالت میں حاضری کے بعد واپس روانہ ہو گئے۔ دوران سماعت وکلاء کی جانب سے عمران خان سے فوری ملاقات کی درخواست بھی دائر کی گئی، تاکہ مقدمے کے سلسلے میں مشاورت کی جا سکے۔

تفتیشی افسر نے عدالت کو بتایا کہ مقدمے کے گواہ کرکٹ سٹیڈیم پر ڈیوٹی پر ہیں، جس پر عدالت نے گواہان کو طلب کرتے ہوئے سماعت 3 دسمبر تک ملتوی کر دی۔

عدالت نے یہ بھی ہدایت کی کہ آئندہ سماعت ویڈیو لنک یا واٹس ایپ کال کے ذریعے ہوگی اور جیل انتظامیہ عمران خان کی ویڈیو لنک کے ذریعے پیشی کی تیاری کرے۔