اردو ورلڈ کینیڈا ( ویب نیو ز ) چین نے خلاء میں پھنسے اپنے تین خلابازوں کی واپسی کے لیے ہنگامی بنیادوں پر ایک بے انسان (unmanned) ریسکیو مشن روانہ کیا ہے،
جو مدار میں پہنچنے کے بعد کامیابی سے تیانگونگ اسپیس اسٹیشن کے ساتھ جا ملا اس پیش رفت کے بعد تینوں خلابازوں کی زمین پر واپسی کی امید پیدا ہوگئی ہے۔
چینی میڈیا کے مطابق ژانگ لو، وو فئی اور ژانگ ہونگ ژانگ نامی تین خلاباز تیانگونگ اسپیس اسٹیشن پر پھنسے ہوئے ہیں اور فی الوقت ان کے پاس زمین پر واپس آنے کا کوئی ذریعہ موجود نہیں تھا۔ ابتدائی تحقیق کے مطابق واپسی کے لیے استعمال ہونے والا شینزو-21 اسپیس کرافٹ تکنیکی خرابی کے باعث استعمال کے قابل نہ رہا، جس کے بعد چین نے فوری طور پر شینزو-22 نامی بے انسان مشن روانہ کیا۔
سرکاری نشریاتی ادارے کے مطابق لانگ مارچ-2 ایف راکٹ نے منگل کی دوپہر مقامی وقت کے مطابق جیوکوان سیٹلائٹ لانچ سینٹر سے کامیابی کے ساتھ اڑان بھری اور صرف چند گھنٹوں بعد سہ پہر 3 بجے شینزو-22 نے اسپیس اسٹیشن کے ساتھ کامیاب ڈوکنگ کر لی۔
رپورٹ میں بتایا گیا ہے کہ شینزو-22 دراصل 2026 میں انسان بردار مشن کے طور پر لانچ ہونا تھا، تاہم موجودہ ہنگامی صورتحال کے پیش نظر اسی خلائی جہاز کو ایمرجنسی ریسکیو مشن میں تبدیل کر کے فوری طور پر خلا میں بھیجا گیا۔اس دوران تینوں خلاباز تیانگونگ اسٹیشن پر اپنے معمول کے سائنسی اور تکنیکی تجربات میں مصروف رہے، اگرچہ ان کے پاس وقت کم ہوتا جا رہا تھا اور واپسی کا ذریعہ ناکارہ ہونے کے باعث وہ زمین پر لوٹنے سے قاصر تھے۔
چینی خلائی حکام کے مطابق یہ خلاباز اپریل 2025** میں چھ ماہ کے مشن پر گئے تھے اور منصوبے کے مطابق انہیں شینزو-21 پر واپس آنا تھا۔ تاہم ایک اچانک فنی خرابی کے باعث ان کا واپسی کا سفر ممکن نہ ہو سکا اور متبادل مشن کی تیاری شروع کی گئی۔چینی میڈیا کا کہنا ہے کہ شینزو-22 کا اسپیس اسٹیشن سے کامیاب رابطہ اس امر کی واضح علامت ہے کہ اب تینوں خلابازوں کا محفوظ طور پر زمین پر واپسی کا عمل جلد شروع کیا جائے گا۔
