4
اردوورلڈکینیڈا( ویب نیوز)وزیراعظم محمد شہباز شریف آج جمعہ کو ترکمانستان کے دارالحکومت اشک آباد میں ایک مصروف دن گزاریں گے۔ انہوں نے عالمی رہنماؤں کے ساتھ ترکمانستان کی مستقل غیرجانبداری کی پالیسی کی علامت، "یادگار غیرجانبداری” کا دورہ کیا۔
اس موقع پر وزیراعظم شہباز شریف نے یادگار پر پھول چڑھائے اور روس کے صدر ولادی میر پیوٹن، ترک صدر رجب طیب اردوان، ترکمانستان کے صدر بردی محمدوف سمیت دیگر عالمی رہنماؤں سے خوشگوار گفتگو کی۔ "یادگار غیرجانبداری” ترکمانستان کی مستقل غیرجانبداری کی پالیسی کی نمائندگی کرتی ہے۔
وزیراعظم شہباز شریف ترکمانستان کے دو روزہ دورے پر ہیں تاکہ بین الاقوامی سال برائے امن و اعتماد، عالمی دن برائے غیرجانبداری اور ترکمانستان کی تیس سالہ مستقل غیرجانبداری کی سالگرہ کے حوالے سے اشک آباد میں منعقدہ فورم میں شرکت کریں۔ اس فورم میں شریک عالمی رہنماؤں سے وہ دوطرفہ ملاقاتیں بھی کریں گے۔
