اردوورلڈکینیڈا( ویب نیوز)سینیٹر فیصل واوڈا نے اپنے ایک تازہ بیان میں کہا ہے کہ یہ محض آغاز ہے اور اصل مرحلہ ابھی باقی ہے، خاص طور پر 9 مئی سے متعلق شواہد اور گواہیوں کے بعد۔ انہوں نے اپنے ٹوئٹر پیغام میں مزید کہا کہ اللہ رحم کرے، جیسے پہلے کہا تھا کہ سب کچھ مقدر میں لکھا ہے، مگر لوگ سمجھنے کے باوجود ان پر کان نہ دھرتے اور آنکھیں بند رکھتے ہیں۔
فیصل واوڈا نے کہا کہ انہوں نے کئی سال تک روکنے کی کوشش کی، لیکن ان کی بات نہیں سنی گئی اور متعلقہ افراد کو وہاں پہنچایا گیا جہاں سے قانونی یا دنیاوی واپسی ممکن نہیں۔ انہوں نے یہ بھی نشاندہی کی کہ کچھ لوگ اپنے تکبر اور غرور کی وجہ سے نہیں رکے اور جو ان کے سہارے کھڑے تھے، وہ اب مزید کمزور ہو جائیں گے۔
انہوں نے سوال کیا کہ اب کون بے غیرت، بے حیاء اور بے شرم ہے، اور ساتھ ہی 9 مئی کے دن چھوٹی ویڈیوز بنا کر معاملے کو آگ میں ڈالنے والے افراد کے بارے میں کہا کہ اصل دلدل ابھی باقی ہے اور شواہد و گواہیاں سامنے آنے کے بعد حالات واضح ہوں گے۔
