اردوورلڈکینیڈا( ویب نیوز)مسلح افواج کی جانب سے جاری مشترکہ بیان میں کہا گیا ہے کہ قائداعظم محمد علی جناح کی مثالی قیادت، آئین کی پاسداری اور ثابت قدمی قوم اور افواج کو موجودہ چیلنجز سے نمٹنے میں رہنمائی فراہم کرتی ہے۔

پاک فوج کے شعبہ تعلقات عامہ (آئی ایس پی آر) کے مطابق بانیٔ پاکستان کے یوم پیدائش کے موقع پر فیلڈ مارشل، چیف آف آرمی اسٹاف اور چیف آف ڈیفنس فورسز سید عاصم منیر، چیف آف نیول اسٹاف نوید اشرف، ایئرچیف اور چیف آف ایئر اسٹاف سمیت تینوں مسلح افواج نے قائداعظم کو خراج عقیدت پیش کیا۔

اعلامیے میں کہا گیا کہ مسلح افواج قائداعظم کے ایمان، اتحاد اور نظم و ضبط کے اصولوں پر عمل کرتے ہوئے مضبوط، خودمختار، جمہوری اور خوشحال پاکستان کے قیام کے لیے اپنے عزم کو دہراتی ہیں۔ بیان میں زور دیا گیا کہ قائداعظم کی قیادت اور اصولوں پر عمل آج بھی قوم اور افواج کو رہنمائی فراہم کرتا ہے۔