اردو ورلڈ کینیڈا ( ویب نیوز )میکسیکو کے جنوب مغربی صوبے  اوساکا میں ایک افسوسناک ٹرین حادثے کے نتیجے میں13 افراد جاں بحق،98 مسافر زخمی ہو گئے۔

حادثہ اوساکا کے قصبےنزند کے قریب اُس وقت پیش آیا جب مسافر ٹرین تیز رفتاری کے دوران ایک موڑ کاٹتے ہوئے پٹری سے اتر گئی۔غیر ملکی میڈیا رپورٹس کے مطابق حادثے کے وقت ٹرین میں241 مسافر اور9 عملے کے ارکان سوار تھے۔ پٹری سے اترنے کے بعد کئی بوگیاں ایک دوسرے سے ٹکرا گئیں جس کے باعث بڑے پیمانے پر جانی نقصان ہوا۔ زخمی ہونے والوں میں سے5 افراد کی حالت تشویشناکبتائی جا رہی ہے جنہیں قریبی اسپتالوں میں انتہائی نگہداشت کے وارڈ میں منتقل کر دیا گیا ہے۔
حادثے کی اطلاع ملتے ہی ریسکیو ٹیمیں، فائر بریگیڈ اور طبی عملہ فوری طور پر جائے وقوعہ پر پہنچ گیا۔ ریسکیو اہلکاروں نے بروقت کارروائی کرتے ہوئے ٹرین میں پھنسے دیگر مسافروں کو بحفاظت نکال کر محفوظ مقامات پر منتقل کیا۔ امدادی کارروائیاں کئی گھنٹوں تک جاری رہیں۔اوساکا کے گورنر نے واقعے پر **گہرے دکھ اور افسوس** کا اظہار کرتے ہوئے کہا کہ متاثرین اور ان کے اہلِ خانہ کی ہر ممکن مدد کی جائے گی۔ انہوں نے بتایا کہ ریاستی اور وفاقی ادارے مل کر زخمیوں کے علاج اور امدادی سرگرمیوں میں مصروف ہیں۔حکام کے مطابق حادثے کیباضابطہ تحقیقات شروع کر دی گئی ہیں تاکہ یہ معلوم کیا جا سکے کہ ٹرین کی رفتار، ٹریک کی حالت یا تکنیکی خرابی اس حادثے کا سبب بنی۔ ابتدائی طور پر موڑ پر رفتار زیادہ ہونے کے امکان کو خارج از امکان قرار نہیں دیا جا رہا۔واقعے کے بعد متعلقہ ریلوے روٹ کو عارضی طور پر بند کر دیا گیا ہے جبکہ عوام سے متبادل سفری انتظامات اختیار کرنے کی اپیل کی گئی ہے۔