اردوورلڈکینیڈا( ویب نیوز)پاکستانی عوام کو پیٹرول کی قیمتوں میں مسلسل چوتھی مرتبہ ریلیف ملنے کا امکان ہے، جس سے صارفین کو نئے سال کے آغاز پر ملنے والے ریلیف کے بعد مزید سہولت حاصل ہوگی۔ حکام کے مطابق یہ کمی 16 جنوری سے نافذ ہو سکتی ہے۔
ذرائع کے مطابق پیٹرولیم مصنوعات کی قیمتوں میں مجموعی طور پر 4.59 روپے فی لیٹر تک کمی متوقع ہے۔ اس کے مطابق پٹرول 4.59 روپے فی لیٹر، ہائی اسپیڈ ڈیزل 2.70 روپے فی لیٹر، مٹی کا تیل 1.82 روپے فی لیٹر اور لائٹ ڈیزل آئل 2.08 روپے فی لیٹر سستا ہو سکتا ہے۔
قیمتوں میں اس کمی کی منظوری وزیراعظم کی طرف سے دی جائے گی، جس کے بعد پیٹرولیم ڈویژن نئی قیمتوں کا اعلان کرے گا۔ یہ نئی قیمتیں آئندہ 15 دن کے لیے نافذ ہوں گی۔
واضح رہے کہ یکم جنوری 2026 کو بھی پٹرول کی قیمت میں 10.28 روپے فی لیٹر اور ہائی اسپیڈ ڈیزل کی قیمت میں 8.57 روپے فی لیٹر کمی کی گئی تھی۔ حکام کے مطابق قیمتوں میں کمی کی وجہ بین الاقوامی تیل کی مارکیٹ میں کمی، کسٹمز ڈیوٹی میں کمی اور کرنسی کے ریٹ میں تبدیلیاں ہیں۔ عالمی منڈی میں 11 جنوری کو پٹرول کی قیمت میں 2.74 ڈالر فی بیرل کمی کے بعد یہ 66.54 ڈالر فی بیرل تک آ گئی تھی۔
