اردو ورلڈ کینیڈا ( ویب نیوز ) ایران کے سپریم لیڈرآی ت اللہ علی خامنہ ای کی جانب سے علاقائی جنگ کے خدشے کے اظہار کے بعد
امریکی صدر ڈونلڈ ٹرمپ نے ایران کے ساتھ معاہدہ طے پانے کی امید ظاہر کی ہے۔ خامنہ ای نے خبردار کیا تھا کہ اگر امریکا نے ایران کے خلاف کوئی فوجی کارروائی کی تو اس کے اثرات پورے خطے میں پھیل جائیں گے۔آیت اللہ خامنہ ای نے اپنے بیان میں کہا کہ ایران دھمکیوں سے مرعوب ہونے والا نہیں اور نہ ہی ایرانی قوم امریکی دباؤ سے خوفزدہ ہے۔ ان کا کہنا تھا کہ ایران کسی پر حملے کا آغاز نہیں کرتا، تاہم اگر ملک یا قوم کو نشانہ بنایا گیا تو سخت اور فیصلہ کن جواب دیا جائے گا۔
خامنہ ای کے بیان پر ردعمل دیتے ہوئے صدر ٹرمپ نے صحافیوں سے گفتگو میں کہا کہ ایران کے سپریم لیڈر کا علاقائی جنگ کی بات کرنا غیر معمولی نہیں، تاہم اصل صورتحال مذاکرات کے نتائج سے واضح ہوگی۔ ٹرمپ نے اس امید کا اظہار کیا کہ دونوں ممالک کے درمیان کسی معاہدے تک پہنچا جا سکتا ہے۔واضح رہے کہ امریکا نے مشرقِ وسطیٰ میں اپنی بحری موجودگی میں اضافہ کر دیا ہے، جہاں اس وقت ایک طیارہ بردار بحری جہاز، چھ ڈسٹرائرز اور تین لیٹورل کامبیٹ شپ تعینات ہیں۔
