اردو ورلڈ کینیڈا ( ویب نیوز ) ہفتے کے روز اوہائیو کے ٹولیڈو میں ایک اسٹریٹ فیسٹیول میں فائرنگ کے نتیجے میں متعدد افراد زخمی ہوگئے۔
زخمیوں کو فوری طور پر قریبی اسپتالوں میں داخل کرایا گیا جب کہ پولیس واقعے میں ملوث ملزمان کی تلاش کر رہی ہے۔ٹولیڈو پولیس کے مطابق شام ساڑھے پانچ بجے اولڈ ویسٹ اینڈ فیسٹیول کے قریب فائرنگ کی اطلاع موصول ہوئی۔
پولیس موقع پر پہنچی تو کئی افراد گولی لگنے سے زخمی حالت میں پائے گئے۔ تاہم حکام نے ابھی تک یہ نہیں بتایا کہ مجموعی طور پر کتنے لوگ زخمی ہوئے ہیں اور ان کی صحت کی حالت کیا ہے۔
پولیس نے واقعے کی وجہ یا ممکنہ حملہ آوروں کے بارے میں کوئی سرکاری معلومات جاری نہیں کی ہیں۔ ادھر واقعے کی ایک ویڈیو بھی منظر عام پر آئی ہے جس میں گولیوں کی مسلسل آوازیں سنی جا سکتی ہیں۔ فائرنگ کے بعد علاقے میں افراتفری مچ گئی اور لوگ اپنی جان بچانے کے لیے ادھر ادھر بھاگتے نظر آئے۔
عینی شاہد کیون بیری نے بتایا کہ وہ قریبی آربوریٹم میں دوستوں کے ساتھ لائیو میوزک سے لطف اندوز ہو رہا تھا جب اس نے متعدد گولیوں کی آوازیں سنی۔ ان کے مطابق کئی لوگ زمین پر لیٹ گئے، جب کہ کچھ لوگ حفاظت کے لیے بھاگے۔ بیری نے دعویٰ کیا کہ اس نے جائے وقوعہ پر کم از کم پانچ گولیوں کے زخم اور ایک ہتھیار پڑا ہوا دیکھا، جسے کسی نے پھینکا تھا۔
