234
اردو ورلڈ کینیڈا (ویب نیوز )چیف آف آرمی سٹاف جنرل قمر جاوید باجوہ نے کہا ہے کہ پاک فوج آزمائش کی اس مشکل گھڑی میں سیلاب سے متاثرہ افراد کے ساتھ کھڑی ہے اور امداد کو قومی فریضہ کے طور پر سرانجام دے گی۔
ان خیالات کا اظہار انہوں نے کور کمانڈر بلوچستان کو سیلاب کی صورتحال سے آگاہ کرنے کے لیے فون کیا۔
آرمی چیف نے کمانڈر کو ہدایت کی کہ وہ سول انتظامیہ کے ساتھ مل کر ہنگامی بنیادوں پر ریسکیو، ریلیف اور بحالی کی کوششوں کے لیے حکومت بلوچستان کی مدد کے لیے تمام اقدامات کریں۔
جنرل قمر جاوید باجوہ نے کہا کہ شدید بارشوں نے خاص طور پر بلوچستان میں انسانی زندگی اور مواصلاتی ڈھانچے کو تباہ کر دیا ہے۔
انہوں نے کہا کہ فوج کے وسائل کو فوری طور پر عارضی اقدام کے طور پر متاثرہ آبادی کی مدد اور اہم مواصلاتی ڈھانچے کی بحالی کے لیے استعمال کیا جائے گا۔
