اردو ورلڈ کینیڈا (ویب نیوز) صوبہ سندھ کے شمالی ضلع لاڑکانہ سے تعلق رکھنے والی ماں کی کئی گھنٹوں سے کھانے سے محروم، 8 بچوں میں دو روٹیاں تقسیم کرنے کی ویڈیو وائرل ہوگئی ہے۔
وائرل ویڈیو میں لاڑکانہ کی ایک ماں کو بھوک سے مرنے والے بچوں میں روٹی تقسیم کرتے دیکھا جا سکتا ہے۔
لاڑکانہ ۔۔ دو روٹی ۔ آٹھ بچے ۔ سیلاب متاثرین کی کہانی 🥲 ماں نے روٹی کے آٹھ ٹکرے کرکے بچوں کو کھلائے۔ #FloodinPakistan #Sindhfloods pic.twitter.com/7b7hoUY2Qm
— Sanjay Sadhwani (@sanjaysadhwani2) August 26, 2022
ویڈیو میں دیکھا جاسکتا ہے کہ ماں جیسے ہی روٹی کاٹ کر تقسیم کرتی ہے تو روٹی کو دیکھ کر بچوں کے چہروں پر مسکراہٹ آجاتی ہے۔
ویڈیو میں روٹی کی تقسیم کے دوران تمام بچوں کو ماں کے گرد کھڑے ہو کر ”ماما می ٹو ڈو” کے نعرے لگاتے ہوئے دیکھا جا سکتا ہے۔
ویڈیو میں دیکھا جا سکتا ہے کہ ماں کے 8 سے زائد بچے ہیں جو کئی گھنٹوں سے بھوکے تھے۔
ایک شخص نے ویڈیو شیئر کرتے ہوئے لکھا کہ ماں کے پاس دو روٹیاں تھیں جو انہوں نے 8 بچوں میں تقسیم کیں۔
ویڈیو دیکھنے کے بعد درجنوں افراد نے اسے شیئر کیا اور اس پر تبصرے کرتے ہوئے اپنے دکھ کا اظہار کیا اور سیلاب متاثرین کے لیے ان کے دکھ کم کرنے کی دعا بھی کی۔
