اردو ورلڈ کینیڈا(ویب نیوز)

ہولی فیملی ہسپتال راولپنڈی میں انسانی خون پینے والی لیڈی ڈاکٹر کو نوکری سے نکال دیا گیا ہے۔ میڈیا رپورٹس کے مطابق ہسپتال انتظامیہ کو لیڈی ڈاکٹر کے انسانی خون پینے کی شکایات موصول ہوئیں۔ تفتیش کے دوران الزام ثابت ہو گیا۔ ڈاکٹر یسری کے اہل خانہ سے بھی رابطہ کیا گیا لیکن ان کی جانب سے کوئی بھی ہسپتال نہ آیا، لیڈی ڈاکٹر کو بحالی مرکز منتقل کردیا گیا۔ ذرائع کے مطابق یسری نامی لیڈی ڈاکٹر ہسپتال کی لیبارٹری میں ڈیوٹی کرتی تھی۔
ہسپتال انتظامیہ کو لیڈی ڈاکٹر کے انسانی خون پینے کی شکایات موصول ہوئی تھیں کہ وہ لیبارٹری میں ٹیسٹ کے لیے مریضوں کا خون پی رہی ہیں۔ تحقیقات کے دوران خون پینے کا الزام ثابت ہونے کے بعد لیڈی ڈاکٹر یسری کو بحالی مرکز منتقل کر دیا گیا۔ انہوں نے اب تک لیبارٹری میں آنے والے 7,969 مریضوں کے خون کے نمونوں کی جانچ کی ہے۔ ان میں زیادہ تر حاملہ خواتین اور مردوں کا خون ہے۔ بتایا جا رہا ہے کہ وہ نفسیاتی مریض ہے تاہم مزید معلومات کے لیے تفتیش جاری ہے۔ ایم ایس نے ایک فیکٹ فائنڈنگ کمیٹی بھی تشکیل دی ہے۔