اردو ورلڈ کینیڈا ( ویب نیوز ) اسلام آباد ہائی کورٹ نے نارووال اسپورٹس سٹی ریفرنس میں پاکستان مسلم لیگ کے رہنما احسن اقبال کی بریت کی درخواست بدھ کو منظور کر لی۔
تفصیلات کے مطابق ہائی کورٹ نے وفاقی وزیر منصوبہ بندی احسن اقبال کے خلاف قومی احتساب بیورو کا ریفرنس خارج کردیا اور غیر معروف اخبار میٹرو واچ کی جانب سے شائع ہونے والی خبر کی بنیاد پر ریفرنس دائر کرنے پر اس وقت کے چیئرمین نیب کو تنقید کا نشانہ بنایا۔
مسلم لیگ ن کے رہنما نے اپنی درخواست میں موقف اختیار کیا کہ نیب ریفرنس من گھڑت الزامات پر مبنی اور حقائق کے منافی ہے۔ انہوں نے احتساب عدالت میں درخواست دائر کی تھی تاہم عدالت نے فروری میں اسے مسترد کر دیا تھا۔
احسن اقبال نے اسلام آباد ہائی کورٹ سے استدعا کی تھی کہ احتساب عدالت کا فیصلہ کالعدم قرار دیا جائے اور انہیں بدعنوانی کے ریفرنس سے بری کیا جائے۔
یہ قابل ذکر ہے کہ اینٹی گرافٹ واچ ڈاگ باڈی نے الزام لگایا کہ اقبال نے نارووال میں 3 ارب روپے کا پراجیکٹ غیر قانونی طور پر شروع کیا جس سے قومی خزانے کو اربوں کا نقصان پہنچا۔
نیب نے دعوی کیا کہ اسے شکایت موصول ہوئی ہے کہ نارووال اسپورٹس سٹی تقریبا 6 ارب روپے کی لاگت سے تعمیر کیا گیا جو کہ قوانین کی خلاف ورزی ہے۔
