اردو ورلڈ کینیڈا ( ویب نیوز )آزاد کشمیر کی وادی نیلم میں بدھ کے روز المناک حادثے میں ایک ہی خاندان کے 6 افراد جاں بحق ہو گئے۔

تفصیلات کے مطابق جاگراں سے کنڈل شاہی جانے والی پوٹھوہار جیپ شام کولہی کے مقام پر پھسلن کے باعث 2 ہزار فٹ کی بلندی پر گہری کھائی میں جاگری۔ جس کے نتیجے میں دو بچوں اور ایک خاتون سمیت ایک ہی خاندان کے چھ افراد جاں بحق ہو گئے۔

ڈیزاسٹر مینجمنٹ اتھارٹی کے مطابق دو زخمیوں کو بھی ڈی ایچ کیو ہسپتال منتقل کر دیا گیا ہے جن کی حالت تشویشناک بتائی جاتی ہے۔

جبکہ مقامی انتظامیہ، پولیس اور ریسکیو 1122 امدادی کارروائیوں میں مصروف ہے۔