اردو ورلڈ کینیڈا ( ویب نیوز )حکومت پنجاب نے 200 بستروں کی سہولت کو 500 بستروں تک بڑھانے کے اعلان کے ساتھ راولپنڈی میں پہلے مفت ڈائیلاسز سنٹر کی تعمیر کا سنگ بنیاد رکھ دیا ہے۔

ذرائع نے بتایا کہ ڈائیلاسز سینٹر کی عمارت تین منزلوں پر مشتمل ہوگی اور گرانڈ فلور کی تعمیر تین ماہ میں مکمل کی جائے گی۔ گرانڈ فلور مکمل ہوتے ہی وہاں مفت ڈائلیسس کی سہولت شروع ہو جائے گی۔ نئی سہولت 200 جدید ڈائلیسس مشینوں سے لیس ہوگی۔

عمارت کی تعمیر کے لیے 200 ملین روپے جاری کیے گئے ہیں اور مزید 300 ملین روپے نومبر میں جاری کیے جائیں گے۔ نیا ڈائیلاسز سنٹر انسٹی ٹیوٹ آف یورولوجی سے متصل ایک وسیع خالی زمین پر تعمیر کیا جائے گا۔ سنگ بنیاد رکھنے کے بعد ٹھیکیداروں نے بڑے پیمانے پر تعمیر شروع کر دی۔

سابق وزیر داخلہ نے کہا کہ راولپنڈی میں گردے کا ڈائیلاسز سنگین مسئلہ ہے۔ سرکاری ہسپتالوں میں غریب مریضوں کو گردے کے ڈائیلاسز کے لیے دو ماہ تک انتظار کرنا پڑتا ہے جس سے ان کی موت واقع ہو جاتی ہے۔ "ہم نے ڈسٹرکٹ ہیڈ کوارٹر ہسپتال کو 10 نئی، جدید ڈائیلاسز مشینیں بھی فراہم کیں۔ ڈائیلاسز کی سہولت میں 200 مشینوں کی تنصیب سے ڈائیلاسز کا مسئلہ مستقل طور پر حل ہو جائے گا، جس سے روزانہ 500 سے 1000 افراد وہاں مفت ڈائیلاسز کر سکیں گے۔