ishtiaq ahmed 
اردو ورلڈ کینیڈا ( ویب نیوز ) تحریک انصاف کے چیئرمین اور سابق وزیراعظم عمران خان نے کہا ہے کہ چوروں سے لڑوں گا اور زندہ رہنے تک قوم کو ان سے لڑنے کے لیے تیار کروں گا۔
سیالکوٹ میں طلبہ کنونشن سے خطاب کرتے ہوئے پی ٹی آئی چیئرمین کا کہنا تھا کہ زندہ معاشرہ انصاف کے لیے کھڑا ہوتا ہے اور ظلم و ناانصافی کے خلاف کھڑا ہونا جہاد ہے۔
ان کا مزید کہنا تھا کہ پاکستان میں سب سے بڑا ڈاکو وزیراعظم بنتا ہے اور پاکستان میں بڑے چور آزاد جبکہ چھوٹے جیلوں میں ہیں۔
عمران خان نے مزید کہا کہ ہمارا ملک پیچھے رہ گیا ہے اور باقی دنیا آگے بڑھ گئی ہے کیونکہ یہاں انصاف نہیں ہے، وہ قومیں اوپر جاتی ہیں جو لوگوں کی تعلیم بہتر کرتی ہیں۔
سابق وزیراعظم نے پاکستانی معروف صحافی ارشد شریف کے قتل کی مذمت کرتے ہوئے کہا کہ وہ محب وطن تھے اور پاکستان کا وہ درد برداشت کیا جیسا کسی نے نہیں کیا تھا۔
انہوں نے کہا کہ آج اگر قوم ان کے ساتھ کھڑی نہ ہوئی تو ہم میں اور جانوروں میں کوئی فرق نہیں رہے گا۔
چیئرمین پی ٹی آئی کا کہنا تھا کہ ارشد شریف سچ کے لیے کھڑے رہے اور ان کے ضمیر کی کوئی قدر نہیں۔ میں صحافت میں ارشد شریف کی سب سے زیادہ عزت کرتا تھا، مجھے ارشد شریف کی شہادت کا بہت افسوس ہے۔
انہوں نے مزید کہا کہ ارشد شریف کو ٹارگٹ کلنگ کیا گیا اور وہ شہید ہیں کیونکہ وہ دھمکی آمیز کالوں سے خوفزدہ نہیں ہوئے اور نہ ہی پیچھے ہٹے۔
