چیف جسٹس اعظم سواتی معاملے پر از خود نوٹس لیں ، عمران خان

93

اردو ورلڈ کینیڈا ( ویب نیوز )سابق وزیر اعظم اور پاکستان تحریک انصا ف کے چیئرمین عمران خان نے چیف جسٹس عمر عطا بندیال سے مطالبہ کیا ہے کہ اعظم سواتی کے معاملے پر نوٹس لیں
ٹویٹر پر سابق وزیر اعظم نے لکھا کہ پاکستان انسانی وقار، خاندان کی عزت اور چادر و چاردوری کی اسلامی اخلاقی اقدار پر بنایا گیا تھا۔
عمران خان نے مزید کہا کہ "ریاست کے ہاتھوں اعظم سواتی کے ساتھ جو کچھ ہوا ہے وہ ان تمام اقدار کی کھلم کھلا خلاف ورزی ہے
عمران خان نے مزید کہا کہ ویڈیو کے ذریعے اعظم سواتی اور ان کی اہلیہ کی رازداری کی خلاف ورزی افسوسناک اور قابل مذمت ہے۔
چیف جسٹس پر زور دیتے ہوئے پی ٹی آئی چیئرمین نے کہا کہ کسی بھی انسان کو یہ تکلیف نہیں اٹھانی چاہیے، میں چیف جسٹس سے مطالبہ کرتا ہوں کہ اس کا از خود نوٹس لیں۔عمران خان نے مزید لکھا کہ میں پاکستان کی جانب سے مسز سواتی سے معافی مانگنا چاہتا ہوں