اردو ورلڈ کینیڈا ( ویب نیوز )پاکستان تحریک انصاف کے رہنما چوہدری فواد حسین نے کہا ہے کہ طاقتور گروہ ملک کے سیاسی اور عدالتی نظام کو یرغمال بنائے ہوئے ہے
سابق وزیر کا یہ تبصرہ اس وقت آیا جب انہوں نے وزیر آباد میں سابق وزیراعظم عمران خان پر حملے کے خلاف درج ایف آئی آر پر مایوسی کا اظہار کیا۔
ملک میں موجود نظام پر مزید تنقید کرتے ہوئے فواد چوہدری نے کہا کہ جب نریندر مودی کہتے ہیں کہ انہیں سمجھ نہیں آرہی کہ پاکستان میں کس سے بات کریں تو ہمارے پاس کوئی جواب نہیں ہوتا
انہوں نے کہا کہ پاک فوج ایک قومی طاقت ہے۔ تاہم عوام اب عمران خان کی قیادت میں ایک منظم قوت ہیں۔
انہوں نے کہا کہ ارشد شریف، اعظم سواتی اور وزیر آباد حملے کے کیسز میں انصاف کا مطالبہ کیا جائے گا۔
ایک اور ٹویٹ میں پی ٹی آئی رہنما شفقت محمود نے بھی شکایت کنندہ کے مطالبے کے مطابق ایف آئی آر درج نہ ہونے پر عدم اطمینان کا اظہار کیا۔
