اردو ورلڈ کینیڈا ( ویب نیوز) وزیر اعظم جسٹن ٹروڈو جمعہ کو اوٹاوا میں منعقد ہونے والی قومی یادگاری دن کی تقریب میں شرکت نہیں کر سکیں گے کیونکہ وہ کمبوڈیا میں منعقد ہونے والی جنوب مشرقی ایشیائی ممالک کی سربراہی کانفرنس میں شرکت کے لیے جا رہے ہیں۔ .
سینئر حکام کے مطابق وزیراعظم جمعرات کی شام کو نوم پنہ میں جنوب مشرقی ایشیائی ممالک کی ایسوسی ایشن کے اجلاس میں شرکت کے لیے روانہ ہوں گے۔ہفتے سے شروع ہونے والا ایشیائی سربراہ اجلاس چار بین الاقوامی اجلاسوں میں سے پہلا اجلاس ہے جس میں ٹروڈو شرکت کریں گے۔ ان ملاقاتوں کا سلسلہ آئندہ 10 روز تک جاری رہے گا۔ اس کے بعد ٹروڈو انڈونیشیا میں G20 اجلاس، تھائی لینڈ میں APEC اجلاس اور تیونس میں Francophonie سربراہی اجلاس میں شرکت کریں گے۔
وزیراعظم آفس سے جاری بیان کے مطابق یہ سربراہی اجلاس ہماری ترجیحات کو آگے بڑھانے کا ایک اہم موقع ہے اور ٹروڈو برطانیہ، امریکا اور فرانس سمیت دیگر عالمی رہنماؤں کے ساتھ ان مذاکرات کا حصہ ہوں گے۔