ارد و ورلڈ کینیڈا ( ویب نیوز) وزیراعظم شہباز شریف نے لیفٹیننٹ جنرل فیض حمید کی قبل از وقت ریٹائرمنٹ کی درخواست منظور کر لی۔
ذرائع نے بتایا کہ لیفٹیننٹ جنرل فیض جو اس وقت کور کمانڈر بہاولپور کے طور پر خدمات انجام دے رہے ہیں نے چند روز قبل جی ایچ کیو کو اپنی درخواست بھیجی تھی۔
وزارت دفاع نے درخواست ملٹری ہیڈ کوارٹر سے موصول ہونے کے بعد منظوری کے لیے وزیر اعظم کو بھجوا دی۔
سابق اسپائی ماسٹر پاک فوج میں اعلیٰ عہدے کے دعویداروں میں شامل تھے۔ وفاقی حکومت کی جانب سے جنرل عاصم منیر کو چیف آف آرمی اسٹاف اور جنرل ساحر شمشاد مرزا کو چیئرمین جوائنٹ چیفس آف اسٹاف کمیٹی مقرر کرنے کے بعد انہوں نے قبل از وقت ریٹائرمنٹ لینے کا فیصلہ کیا۔