اردو ورلڈ کینیڈا ( ویب نیوز )حکومت نے مقامی سطح پر خود کفالت کو فروغ دینے اور برآمدات کو فروغ دینے کے لیے درآمدی خوردنی تیل پر ریگولیٹری ڈیوٹی عائد کرنے کا فیصلہ کیا ہے۔
وزارت فوڈ سیکیورٹی کے اندرونی ذرائع کے مطابق سورج مکھی اور کینولا کی کاشت مقامی سطح پر 6 لاکھ ایکڑ رقبے پر کی جائے گی اور درآمدی خوردنی تیل کی قیمتوں میں کمی کے باعث ٹیکسوں میں اضافہ کرکے مقامی پیداوار کو تحفظ فراہم کیا جائے گا۔

درآمد شدہ خوردنی تیل پر 5 فیصد تک ریگولیٹری ڈیوٹی عائد ہوگی اور 2 فیصد اضافی درآمدی ڈیوٹی بھی لاگو ہوگی۔ اس کے علاوہ 17 فیصد سیلز ٹیکس بھی لگایا جائے گا۔

وزارت کا خیال ہے کہ درآمد شدہ خوردنی تیل پر ٹیکس عائد کرنے سے درآمدات کی حوصلہ شکنی ہوگی اور مقامی سطح پر 40 کلو خوردنی تیل کی قیمت 7000 روپے مقرر کی جائے گی۔
مقامی سطح پر خوردنی تیل کی پیداوار بڑھانے سے سالانہ 7 ارب ڈالر سے زائد کی بچت ہوگی۔