اردو ورلڈ کینیڈا ( ویب نیوز )چین نے کابل میں پاکستانی سفارت خانے پر گزشتہ ہفتے ہونے والے حملے کی شدید مذمت کرتے ہوئے کہا کہ وہ ہر قسم کے تشدد اور دہشت گردی کی کارروائیوں کی سختی سے مخالفت کرتا ہے۔
چین کی وزارت خارجہ کے ترجمان ما ننگ نے ایک سوال کے جواب میں اپنی باقاعدہ بریفنگ کے دوران کہا کہ چین ہر قسم کے تشدد اور دہشت گردی کی کارروائیوں کی سختی سے مذمت اور مخالفت کرتا ہے۔
کابل میں پاکستانی سفارت خانے پر حملے کی ذمہ داری کالعدم تنظیم نے قبول کرلی
یا د رہے کہ جمعے کو کابل میں پاکستانی سفارت خانے پر حملہ ہوا جس میں ایک سیکیورٹی گارڈ شدید زخمی ہوگیاتھا
ترجمان نے کہاہم حملے میں زخمی ہونے والوں سے ہمدردی کا اظہار کرتے ہیں۔
ما ننگ نے ریمارکس دیئے کہ چین افغانستان میں سلامتی کی صورتحال پر گہری نظر رکھے ہوئے ہے اور چین اپنی قومی سلامتی اور استحکام کے تحفظ کے لیے ہر قسم کی دہشت گردی اور تشدد سے نمٹنے کے لیے افغانستان کی مضبوطی سے حمایت جاری رکھے گا۔
