Imran 
اردو ورلڈ کینیڈا (ویب نیوز) موجودہ دور میں سائنس اور ٹیکنالوجی نے بہت ترقی کر لی ہے، آئے روز نئی ایجادات سامنے آ رہی ہیں۔
ان میں سے ایک سونے کے سکے فراہم کرنے والی اے ٹی ایم مشین بھی ہے جو بھارت کے شہری حیدرآباد میں نصب کی گئی ہے
مذکورہ اے ٹی ایم مشین کارڈ میں رقم کے بدلے سونے کے سکے فراہم کرتی ہے، جن کا وزن آدھے گرام سے لے کر 100 گرام تک ہو سکتا ہے۔
یہ ایک عام اے ٹی ایم مشین کی طرح دکھائی دیتی ہے لیکن بٹن دبانے پر پیسے کی بجائے سونا فراہم کرتی ہے
پہلی بار اسے حیدرآباد شہر میں نصب کیا گیا ہے اور گولڈ کوائن نامی تنظیم نے اس کا منصوبہ بنایا ہے۔
یہ سات ہزار ڈالر کی قیمت میں 100 گرام کا سب سے بڑا سکہ پیش کر تی ہے۔
” گولڈ کوائن کے نائب صدر پرتاپ نے صرف اپنا پہلا نام بتاتے ہوئے کہاسونے کی دکانوں پر جانے کے بجائے
، اب آپ ان مشینوں سے براہ راست سونا خرید سکتے ہیں ۔ رپورٹس کے مطابق ایک مشین میں 5 کلو تک سونا رکھا جا سکتا ہے۔
واضح رہے کہ بھارت دنیا میں سونے کا دوسرا بڑا صارف ہے اور دلچسپ بات یہ ہے کہ دیہاتی شہریوں سے زیادہ سونا خریدتے ہیں۔
کیونکہ یہ ان کے لیے ایک اچھی سرمایہ کاری بھی ہے۔
حیدرآباد شہر میں تنصیب کے بعد کچھ لوگوں نے اس مشین سے مختلف وزن کے سونے کے سکے نکالے ہیں۔
