اردو ورلڈ کینیڈا( ویب نیوز)امریکی سینیٹ نے ریکارڈ 858 بلین ڈالر کے دفاعی بجٹ کی منظوری دیتے ہوئے اس کی سمری صدر بائیڈن کو بھیج دی ہے۔

خبر رساں ادارے کے مطابق یہ رقم صدر بائیڈن کے مجوزہ دفاعی بجٹ سے 45 بلین ڈالر زیادہ ہے جب کہ اس میں فوج کے لیے لازمی کوویڈ ویکسین کے مینڈیٹ کو بھی منسوخ کردیا گیا ہے۔

جمعرات کو پیش کیے جانے والے اس بل یا نیشنل ڈیفنس آتھرائزیشن ایکٹ کی حمایت میں 83 ارکان نے ووٹ دیا جب کہ 11 ارکان نے اس کے خلاف ووٹ دیا۔
امریکہ کی دفاعی پالیسیوں میں سالانہ بنیادوں پر دفاعی بجٹ کی منظوری کی ضرورت ہوتی ہے۔

خبر رساں ادارے کے مطابق، ریپبلکن اراکین جنہوں نے کووِڈ 19 کو روکنے کے لیے مختلف اقدامات جو شخصی آزادیوں کی خلاف ورزی کرتے ہیں نے اس مینڈیٹ کو نہ ہٹا نے پر بل کی مخالفت کی دھمکی تھی

بل کے خلاف ووٹ دینے والوں میں وہ لبرل بھی شامل تھے جو مسلسل بڑھتے ہوئے دفاعی بجٹ پر اعتراض کرتے ہیں جب کہ اقتصادی قدامت پسندوں نے بھی بل کی مخالفت کی۔