اردو ورلڈ کینیڈا ( ویب نیوز )پاکستان تحریک انصاف کے رہنما شفقت محمود نے تصدیق کی ہے کہ مسلم لیگ ق نے تحریک کی حمایت کے عوض آئندہ عام انتخابات میں پنجاب اسمبلی کی 30 اور قومی اسمبلی کی 15 نشستوں پر سیٹ ایڈ جسٹمنٹ کا مطالبہ کیا ہےانہوں نے کہا کہ تحریک عدم اعتماد پر ووٹنگ ضرور ہو گی کیونکہ اب یہ قانونی طور پر ضروری ہے۔

پہلے کیا ہوگا اور بعد میں کیا ہوگا اس بارے میں قانون خاموش ہے، میرا خیال ہے کہ یہ معاملہ اب عدالت میں جائے گا۔

مسلم لیگ ق سے سیٹ ایڈجسٹمنٹ کے حوالے سے سوال کے جواب میں انہوں نے تصدیق کرتے ہوئے کہا کہ جب الیکشن کا وقت آتا ہے تو اتحادیوں کے درمیان سیٹ ایڈجسٹمنٹ ہوتی ہے، اب پنجاب اسمبلی تحلیل ہونے جا رہی ہے جس کے بعد الیکشن ہو گا اور پی ٹی آئی ق لیگ کے ساتھ سیٹ ایڈجسٹمنٹ کرے گی

پنجاب کی سیاست میں ہلچل، پی ٹی آئی ق لیگ کا کتنی سیٹوں میں اتحاد ہوگا؟

انہوں نے مسلم لیگ ق کی جانب سے پنجاب اسمبلی کی 30 اور قومی اسمبلی کی 15 نشستوں پر ایڈجسٹمنٹ کے مطالبے کی تصدیق کرتے ہوئے کہا کہ یہ بات رست ہے تاہم یہ تعداد بدل سکتی ہے۔

انہوں نے کہا کہ مسلم لیگ ق ہماری اتحادی اور دونو ںاتحادی ساتھ چلیں گے
شفقت محمود نے جمعہ کو پنجاب اسمبلی تحلیل کرنے کے امکان کو مسترد کرتے ہوئے کہا کہ اگر اعتماد کے ووٹ اور عدم اعتماد کا معاملہ نہ آتا تو جمعہ کو اسمبلی تحلیل ہو چکی ہوتی،
اب تحریک عدم اعتماد کا معاملہ پہلے حل کیا جائے گا اس کے بعد اسمبلی توڑنے کا وقت ہوگا۔

واضح رہے کہ 17 دسمبر کو سابق وزیراعظم اور چیئرمین پی ٹی آئی عمران خان نے 23 دسمبر کو پنجاب اور خیبرپختونخوا کی اسمبلیاں تحلیل کرنے کا اعلان کیا تھا۔

سیٹ ایڈجسٹمنٹ کے حوالے سے بات چیت جاری ہے، پرویز الٰہی