144
اردو ورلڈ کینیڈا ( ویب نیوز)پاکستان تحریک انصاف کے رہنما فواد چوہدری کا کہنا ہے کہ ہم اسٹیبلشمنٹ کےساتھ بناکر رکھنا چاہتے ہیں، صدر عارف علوی اور اسحاق ڈار کی ملاقاتوں میں کوئی بریک تھرو نہیں ہوا۔
فواد چوہدری نے کہا کہ جنرل (ر) باجوہ کو 3 بار کہا گیا کہ عمران خان انہیں ڈی نوٹیفائی کریں گے، جب کہ عمران خان نے سوچا بھی نہیں تھا کہ وہ ایسا کریںگے ایک تو ہر وقت ریکارڈنگ ہوتی رہتی ہے، یہ بھی بڑا مسئلہ ہے، سیاق و سباق سے ہٹ کر بات کریں تو لگتا ہے کوئی سازش ہو رہی ہے۔
فواد چوہدری کا کہنا تھا کہ جب سے جنرل عاصم منیر نے کمان سنبھالی ہے، فرق آیا ہے، پہلے پاکستان میں اسٹیبلشمنٹ تھی، اب عمران خان بھی ایک حقیقت ہیں، جو اس حقیقت کو نظر انداز کرے گا وہ اپنا اور ملک کا نقصان کرے گا۔
انہوں نے کہا کہ ان کی حکمت عملی یہ ہے کہ عمران خان کو نااہل کروائیں اور فوجداری مقدمات بنائیں، پھر انتخابات کو ایک سال کے لیے ملتوی کر دیں، اس دوران دوبارہ سیاسی طور پر فائدے حاصل کریں۔
یہ بھی پڑھیں
