اردو ورلڈ کینیڈا ( ویب نیوز)پنجاب حکومت نے مارکیٹ جلد بند کرنے کے حوالے سے وفاقی حکم نامے کو ماننے سے انکار کرتے ہوئے کہا ہے کہ یہ فیصلہ ہم خود اور تمام اسٹیک ہولڈرز سے مشاورت کے بعد کریں گے۔

وفاقی کابینہ نے توانائی کی بچت کے منصوبے کے تحت مارکیٹیں، شادی ہالز اور ریسٹورنٹس جلد بند کرنے کے حکومتی فیصلے کی منظوری دے دی، جس کا اطلاق تمام صوبوں میں کیا جائے گا تاہم پنجاب حکومت نے فیصلے پر عمل درآمد سے انکار کردیا ہے۔

یہ بھی پڑھیں

 حکومت کا شادی ہالز رات 10 بجے اور بازار 8:30 بند کرنے کا اعلان

پنجاب کے سینئر وزیر میاں اسلم اقبال نے کہا ہے کہ پنجاب حکومت رات آٹھ بجے دکانیں بند کرنے کا فیصلہ نہیں کرے گی۔

انہوں نے کہا کہ وفاقی حکومت اپنی ناکامی کے فیصلے جلد بازی میں کر رہی ہے، لیکن ہم تمام سٹیک ہولڈرز سے ملیں گے، پنجاب کے چیمبرز اور دکانداروں سے ملاقات کی جائے گی اس کے بعد مشاورت سے فیصلہ کریں گے

انہوں نے کہا کہ ملکی معیشت پہلے ہی سکڑ چکی ہے، حکومت اپنی ناکامی کا بدلہ عوام سے لے رہی ہے، امپورٹڈ حکومت کے فیصلوں کو پنجاب حکومت کسی صورت قبول نہیں کرے گی۔