اردوورلڈ کینیڈا ( ویب نیوز ) امریکا نے پاکستان اور انڈیا کے مذاکرات کو فریقین کے درمیان دوطرفہ معاملہ قرار دے دیا۔ امریکی محکمہ خارجہ کے ترجمان نیڈ پرائس نے واشنگٹن میں میڈیا سے بات کرتے ہوئے کہا ہے کہ وہ علاقائی استحکام کی خواہش کا اظہار کرتے رہے ہیں۔ ،نیڈ پرائس نے کہا کہ وہ پاکستان اور بھارت کے درمیان بات چیت کی حوصلہ افزائی کرتے ہیں لیکن بات چیت دونوں فریقوں کے درمیان معاملہ ہے۔
پاکستان میں توانائی کے بحران سے متعلق سوال پر نیڈ پرائس نے کہا کہ وہ پاکستان میں توانائی کے بحران سے آگاہ ہیں اور ضرورت پڑنے پر مدد کریں گے۔ یاد رہے کے پاک بھارت کشیدگی پورے خطے کے امن کے لیے خطرہ ہے ،دونوں ممالک کےدرمیان کشیدگی کی بڑی وجہ مسئلہ کشمیر ہے ، جب تک مسئلہ کشمیر حل نہیں ہو جاتا خطے میں امن قائم نہیں ہو سکتا ، پاکستان نے ایک مرتبہ پھر بھارت کو با معنی مذاکرات کی پیشکش کی ہے
