اردو ورلڈ کینیڈا ( ویب نیوز)الیکشن کمیشن آف پاکستان نے تحریک انصاف کے 43 ارکان کو ڈی نوٹیفائی کر دیا۔

پی ٹی آئی ارکان کے استعفوں پر الیکشن کمیشن کا اجلاس آج ہوا جس میں ارکان کے استعفے منظور کرنے کا فیصلہ کیا گیا۔

اسپیکر قومی اسمبلی نے پی ٹی آئی کے 43 ارکان کے استعفے منظور کرکے الیکشن کمیشن کو بھجوا دیے، پی ٹی آئی نے الیکشن کمیشن سے ڈی نوٹیفائی نہ کرنے کی درخواست کردی۔

پی ٹی آئی کے منحرف ارکان کے علاوہ صرف 2 ارکان قومی اسمبلی میں رہ گئے۔ اب تک پی ٹی آئی کے 123 ارکان کے استعفے منظور کر لیے گئے، دو ارکان کے استعفے رخصت کی درخواست کے باعث منظور نہیں ہوئے۔

واضح رہے کہ پی ٹی آئی کے اراکین قومی اسمبلی نے ایک روز قبل پارلیمنٹ ہاؤس کی بندش کے باعث استعفے واپس لینے کے لیے اسپیکر کو ای میلز ارسال کی تھیں جب کہ استعفے واپس لینے کے لیے اسپیکر کو خطوط بھی بھیجے گئے تھے۔