اردو ورلڈ کینیڈا ( ویب نیوز ) سعودی عرب کو پہلی بار یونیسکو کی عالمی ثقافتی ورثہ کمیٹی کا صدر منتخب کیا گیا ہے۔سعودی عرب کی شہزادی حیفہ بنت عبدالعزیز المقران کو چیئرمین مقرر کیا گیا۔

سعودی عرب اس سال یونیسکو کے عالمی ثقافتی ورثہ کمیشن کے اجلاس کی میزبانی کرے گا۔سعودی عرب میں یونیسکو کی ثقافتی ورثہ کمیٹی کا اجلاس رواں سال 10 سے 25 ستمبر تک ہوگا۔

یونیسکو عالمی ثقافتی ورثہ سائٹ
"یونیسکو ورلڈ ہیریٹیج سائٹ” کا مطلب ہے وہ جگہ (جنگل، پہاڑ، جھیل، صحرا، یادگار، عمارت یا شہر) جسے اقوام متحدہ کی تعلیمی

سائنسی اور ثقافتی تنظیم ( یونیسکو ) نےبین الاقوامی عالمی ثقافتی ورثہ پروگرام کے تحت عالمی ثقافتی ورثہ کے طور پر نامزد کیا

ہے۔ ۔ یہ منصوبہ ثقافتی یا قدرتی اہمیت کے مقامات کی فہرست اور حفاظت کیلئے بنایا گیا ہے۔

عالمی ثقافتی ورثہ فنڈ سے فہرست میں شامل مقامات کو مختلف شرائط کے تحت فنڈز فراہم کیے جاتے ہیں۔ اس منصوبے کا آغاز 16

نومبر 1972 کو یونیسکو کی جنرل اسمبلی کے ذریعہ "عالمی ثقافتی اور قدرتی ورثے کے تحفظ سے متعلق کنونشن” سے ہوا۔ اس

کے بعد سے 184 ممالک (جولائی 2007 تک) اس کنونشن کی توثیق کر چکے ہیں۔

2007 تک، 142 ممالک کی 851 سائٹس اس فہرست میں شامل ہیں، جن میں 660 ثقافتی، 166 قدرتی اور 25 مخلوط خصوصیات

شامل ہیں۔ ہر عالمی ثقافتی ورثہ اس ملک کی ملکیت ہے جہاں یہ واقع ہے، لیکن یہ بین الاقوامی برادری کی ذمہ داری ہے کہ وہ بنی

نوع انسان کے مستقبل کے لیے اسے محفوظ رکھے۔

عالمی ثقافتی ورثہ کمیٹی کا اجلاس

عالمی ثقافتی ورثہ کمیٹی سال میں کئی بار اجلاس منعقد کرتی ہے تاکہ فہرست میں شامل مقامات کے انتظامی امور پر بات کی جا

سکے تاہم عالمی ثقافتی ورثہ کمیٹی کا اجلاس سال میں ایک بار ہوتا ہے جس میں مختلف مقامات کو عالمی ثقافتی ورثے کی

فہرست میں شامل کیا جاتا ہے۔ ہے سالانہ اجلاس دنیا کے مختلف شہروں میں منعقد ہوتا ہے۔

پیرس (فرانس) کے علاوہ جہاں یونیسکو کا ہیڈکوارٹر واقع ہے، یہ اجلاس صرف عالمی ثقافتی ورثہ کمیٹی کے رکن ممالک میں منعقد

ہو سکتا ہے، جس کے لیے انہیں کمیٹی کی منظوری درکار ہوتی ہے۔