اردو ورلڈ کینیڈا ( ویب نیوز ) فلپائن میں پیاز اس قدر مہنگی ہو گئی ہے کہ سبزی سٹیٹس سمبل بن گئی ہے اور شادی بیاہ کی تقریبات میں اس سے بنے گلدستوں کے ساتھ تصویریں کھینچی جاتی ہیں۔

فلپائن میں ذخیرہ اندوزی اور اسمگلنگ کی وجہ سے پیاز کی قلت اور قیمتوں میں اضافے کی حکومتی تحقیقات کا باعث بنی ہے۔ فلپائن میں پیاز کی قیمت گوشت سے تین گنا بڑھ گئی۔ لیکن جو جوڑے اپنی شادی کو پرتعیش بنانا چاہتے ہیں وہ اب پھولوں کے بجائے پیاز کے گلدستے استعمال کر رہے ہیں۔

فلپائن کے شہر الوئیلو سے تعلق رکھنے والی 28 سالہ دلہن اپریل Lyka Biorrey-Nobis تقریباً 5 کلو گرام وزنی پیاز کا گلدستہ لے کر شادی میں پہنچی۔شادی میں شامل دیگر خواتین نے ہاتھوں میں پیاز سے بنی ہوئی پھولوں کی چادریں اٹھا رکھی تھیں۔اس شادی کے لیے، جوڑے نے روایتی پھولوں کے لیے 15,000 فلپائنی پیسو کا بجٹ رکھا تھا، لیکن انھیں پیاز کی ایک بوری خریدنے کے لیے صرف 8000 پیسو خرچ کرنے پڑے۔

تقریب کے بعد جوڑے نے شادی کے شرکاء میں پیاز تقسیم کیے۔واضح رہے کہ فلپائن میں فی کلو پیاز کی قیمت 200 فلپائنی پیسو سے بڑھ کر 600 پیسو یا 11 ڈالر (2756 پاکستانی روپے) ہو گئی ہے۔لیکن اس قیمت پر بھی پیاز تک رسائی بہت مشکل ثابت ہو رہی ہے۔