اردو ورلڈ کینیڈا ( ویب نیوز )بالی ووڈ کنگ شاہ رخ خان نے اپنی فلم ‘پٹھان کی ریکارڈ توڑ کامیابی پر اپنے مداحوں کا شکریہ ادا کیا ہے۔

فلم کی کامیابی کے بعد اداکار ممبئی میں واقع اپنے گھر ‘منت میں پہلی بار اپنے مداحوں سے ملے ہیں۔

سوشل میڈیا پر وائرل ہونے والی ویڈیو میں اداکار کو اپنے گھر کی بالکونی میں کھڑے ہو کر اپنے مداحوں کا شکریہ ادا کرتے دیکھا جا سکتا ہے۔

اس موقع پر شاہ رخ خان نے اپنے کالے کپڑے پہنے ہوئے تھے اور انہوں نے اس موقع پر اپنے مشہور فلمی پوز بھی دیئے۔

اس موقع پر اداکار کے چھوٹے بیٹے ابرام خان بھی موجود تھے اور انہوں نے بھی شرکاء کو ہاتھ ہلا کر جواب دیا۔

‘پٹھان نے اپنی ریلیز کے بعد سے ہندی سنیما میں طوفان برپا کر دیا ہے اور صرف تین دنوں میں دنیا بھر میں 313 کروڑ روپے جمع کر لیے ہیں۔