130
ارد و ورلڈ کینیڈا ( ویب نیوز ) اقوام متحدہ میں ایران کے نمائندے عامر سعید کی جانب سے اقوام متحدہ کے سیکریٹری جنرل کو لکھے گئے خط میں کہا گیا ہے کہ ابتدائی تحقیقات سے یہ بات سامنے آئی ہے کہ اسرائیل نے ہفتے کے روز اصفہان میں ڈرون حملے کیے تھے۔
ایران کی سرکاری خبر رساں ایجنسی کے مطابق ایرانی مندوب نے مزید کہا کہ قومی سلامتی کے دفاع میں کوئی بھی اقدام کرنا ایران کا قانونی حق ہے۔ اسرائیل کی طرف سے کسی بھی خطرے کا بھرپور جواب دیا جائے گا۔
اسرائیل کا یہ اقدام بین الاقوامی قوانین کی خلاف ورزی ہے۔ایرانی حکام کے مطابق ہفتے کی رات ایرانی شہر اصفہان میں ہونے والے ڈرون حملوں میں کوئی جانی نقصان نہیں ہوا۔ اسرائیل سے حالیہ ڈرون حملوں کا بدلہ لیں گے ۔
