اردو ورلڈکینیڈا ( ویب نیوز )وزیر اعظم شہباز شریف نے کہا ہے کہ حکومت بجلی کی پیداوار کے لیے مقامی ذرائع پر کام کر رہی ہے۔وزیراعظم شہباز شریف نے سوشل میڈیا ویب سائٹ ٹوئٹر پر اپنے بیان میں کہا کہ گزشتہ روز کراچی میں پاکستان کے ساتویں جوہری پاور پلانٹ کا افتتاح کیا گیا، کے تھری کی شمولیت سے ایٹمی بجلی پیدا کرنے کی صلاحیت 3600 میگاواٹ تک پہنچ گئی ہے۔
وزیراعظم نے کہا کہ کے تھری منصوبے سے 1100 میگاواٹ بجلی نیشنل گرڈ میں شامل کی گئی ہے، حکومت بجلی کی پیداوار کے مقامی ذرائع پر توجہ دے رہی ہے، توانائی کے مقامی ذرائع سے ایندھن کی درآمد اور ٹیرف کم کرنے میں مدد ملے گی۔
The government is working to diversify the energy mix by focusing on the development of indigenous sources of power generation such as hydropower, coal, & solar. Locally produced electricity will help reduce fuel import, bring down tariff & thus provide relief to the common man. https://t.co/ZIkLPIAFWd
— Shehbaz Sharif (@CMShehbaz) February 3, 2023
انہوں نے مزید کہا کہ مقامی طور پر پیدا ہونے والی بجلی عام آدمی کو ریلیف دینے میں بھی مددگار ثابت ہوگی۔
واضح رہے کہ گزشتہ روز وزیراعظم محمد شہباز شریف نے چین کے تعاون سے تعمیر ہونے والے کراچی نیوکلیئر پاور پلانٹ کے تیسرے یونٹ ‘کے تھری کا افتتاح کیا۔
یہ منصوبہ 1100 میگاواٹ ماحول دوست بجلی پیدا کرے گا جبکہ نیوکلیئر پاور پلانٹ سے کل پیداوار 2200 میگاواٹ ہوگی۔
