اردو ورلڈ کینیڈا ( ویب نیوز )دنیا کی مشہور آن لائن انسائیکلوپیڈیا سروس وکی پیڈیا کو پاکستان میں توہین آمیز مواد نہ ہٹانے پر بلاک کر دیا گیا ہے۔
پاکستان ٹیلی کمیونیکیشن اتھارٹی (PTA) کی وارننگ کے باوجود توہین آمیز اور غیر قانونی مواد نہ ہٹانے پر وکی پیڈیا کو بلاک کر دیا گیا تھا۔
اس حوالے سے پی ٹی اے حکام نے بھی تصدیق کی ہے کہ پاکستان میں وکی پیڈیا کی سروس بلاک کر دی گئی ہے۔
PTA نے توہین آمیز مواد نہ ہٹانے پر وکی پیڈیا کو بلاک کرنے کا انتباہ دیا تھا
حکام کے مطابق وکی پیڈیا کو ڈاؤن گریڈ کر دیا گیا تھا اور اس کی سروس 48 گھنٹوں کے لیے سست ہو گئی تھی کیونکہ عدالتی احکامات نے ویب سائٹ سے توہین آمیز مواد کو بلاک کرنے سے پہلے ہٹایا نہیں تھا۔
توہین آمیز مواد نہ ہٹانے پر وکی پیڈیا سروس ڈی گریڈ
وکی پیڈیا کو ویب سائٹ سے توہین آمیز مواد ہٹانے کا ہر موقع دیا گیا لیکن نہ تو مواد ہٹایا گیا اور نہ ہی وکی پیڈیا کے اہلکار پی ٹی اےکے سامنے پیش ہوئے۔ جس کے بعد اسے بلاک کیا گیا
پی ٹی اے حکام کا کہنا ہے کہ توہین آمیز اور غیر قانونی مواد کو ہٹانے کے بعد پاکستان میں وکی پیڈیا کی سروس دوبارہ شروع کرنے پر غور کیا جائے گا۔
یاد رہے کہ پاکستان ٹیلی کمیونیکیشن نے چند روز قبل وکی پیڈیا کو وارننگ جاری کی تھی کہ اگر ویب سائٹ سے توہین آمیز مواد کو نہ ہٹایا گیا تو وکی پیڈیا سروس کو ڈاؤن گریڈ کرکے بلاک کردیا جائے گا۔
