515
اردو ورلڈ کینیڈا ( ویب نیوز ) پاکستانی اداکارہ انعم فیاض نے اسلام کے لیے شوبز انڈسٹری چھوڑنے کا اعلان کردیا۔
اداکارہ نے اپنے کیرئیر کا آغاز پاکستانی ڈراموں سے کیا اور کئی کامیاب پروجیکٹس کیے، شادی اور ایک بچے کی ماں بننے کے بعد بھی وہ شوبز سے منسلک رہیں۔
انعم فیاض کچھ عرصے سے ٹی وی اسکرینوں سے غائب تھیں اور اب ان کی حجاب میں تصاویر سامنے آرہی ہیں۔
اداکارہ نے انسٹاگرام پر ایک پوسٹ میں لکھا کہ یہ پیغام لکھنا بہت مشکل ہے کیونکہ آپ سب میرے پورے کیریئر میں میرے ساتھ رہے ہیں۔
انہوں نے لکھا کہ اب میں نے شوبز انڈسٹری چھوڑ کر اسلامی زندگی گزارنے کا فیصلہ کیا ہے اور آپ سب سے درخواست ہے کہ مجھے اپنی دعاؤں میں یاد رکھیں۔
