اردو ورلڈ کینیڈا ( ویب نیوز )  غیر ملکی میڈیا رپورٹس میں بتایا گیا ہے کہ ترکی کے جنوبی علاقوں میں مقامی وقت کے مطابق صبح 8 بج کر 4 منٹ پر زلزلے کے شدید جھٹکے محسوس کیے گئے جب کہ یہ علاقے پہلے ہی 6 فروری کو آنے والے زلزلے سے متاثرہ ہیں ۔

ترکی اور شام میں پیر کو آنے والے زلزلے کے نتیجے میں 3 افراد ہلاک اور 600 سے زائد زخمی ہونے کی اطلاعات ہیں۔

شام میں 470 اور ترکی میں 213 افراد کے زخمی ہونے کی اطلاعات ہیں جب کہ کئی افراد کے ملبے تلے دبے ہونے کا خدشہ ہے جب کہ امدادی کام جاری ہے۔سوشل میڈیا پر وائرل ہونے والی ویڈیوز میں دیکھا جا سکتا ہے کہ ترکی کے صوبے ہاتائے میں سڑک پر نصب عمارتیں اور بجلی کے کھمبے ڈول رہے ہیں۔

شہریوں میں خوف و ہراس پھیل گیا اور وہ گھروں سے باہر نکل آئے۔اطلاعات کے مطابق مصر اور لبنان میں بھی زلزلے کے جھٹکے محسوس کیے گئے۔واضح رہے کہ ترکی اور شام میں 6 فروری کو آنے والے 2 ہولناک زلزلوں میں 44 ہزار سے زائد افراد ہلاک اور ہزاروں زخمی ہو چکے ہیں۔