اردو ورلڈ کینیڈا ( ویب نیوز)پنجاب کی نگران حکومت نے عمران خان کی جیل بھرو تحریک کی کال کے خلاف احتجاج کرنے والوں کے حوالے سے حکمت عملی بنا لی ہے۔
ذرائع کے مطابق جو بھی طلباء جیل بھرو تحریک میں شامل ہوں گے ان کے کالج اور یونیورسٹی سے داخلے منسوخ کر د ئیے جائیں گے، اگر تاجر اس احتجاج میں شریک ہوئے تو چیمبر آف کامرس سے ان کا لائسنس منسوخ کر دیا جائے گا۔ ایجنسیوں نے زمان پارک اور ہائی کورٹ کے اطراف سی سی ٹی وی بسیں کھڑی کر دی ہیں۔
پنجاب کی نگرا ن حکومت نے تمام قانون نافذ کرنے والے اداروں کو بھی متحرک کر دیا ہے، اس احتجاج میں جو بھی طالب علم قانون کو ہاتھ میں لے گا اس کے پاس کریکٹر سرٹیفکیٹ نہیں ہوگا، مجرمانہ ریکارڈ چیک کیا جائے گا، گرفتار افراد کے ٹیکس اور بینک اکاؤنٹس کی جانچ پڑتال کی جائے گی۔
ذرائع کے مطابق کسی بھی کرپشن یا فوجداری کیس میں ملوث گرفتار افراد کے خلاف فوری کارروائی شروع کی جائے گی، لاہور کی جیلوں میں قیدیوں کی گنجائش نہیں، اس لیے لوگوں کو میانوالی اور ڈیرہ غازی خان کی جیلوں میں منتقل کیا جائے گا۔
