اردو ورلڈ کینیڈا ( ویب نیوز ) فرانسیسی صدر ایمانوئل میکرون نے اعلان کیا ہے کہ وہ اپریل میں چین کا دورہ کریں گے تاکہ روس اور یوکرین کے درمیان جنگ کو ختم کرنے کی کوشش کریں۔

عالمی خبر رساں ادارے کے مطابق فرانسیسی صدر ایمانوئل میکرون نے کہا ہے کہ وہ اپریل کے پہلے ہفتے میں چین کا دورہ کریں گے تاکہ روس اور یوکرین جنگ کے خاتمے کے لیے صدر شی جن پنگ سے مدد لیں۔

فرانسیسی صدر کا یہ بیان ایسے وقت سامنے آیا ہے جب چین نے 12 نکاتی پیپر شائع کیا تھا جس میں یوکرین میں جنگ بندی اور روس اور یوکرین کے درمیان ایک سال سے جاری تنازع کو ختم کرنے کے لیے سیاسی تصفیہ کا مطالبہ کیا گیا تھا۔

فرانسیسی صدر نے کہا کہ چین روس اور یوکرین کے درمیان امن کی کوششوں میں مصروف ہے جو کہ اچھی بات ہے تاہم مکمل امن کے لیے روس کی جارحیت اور اپنی فوجوں کا انخلا ضروری ہے۔

صدر ایمانوئل میکرون نے یہ بھی مطالبہ کیا کہ روس یوکرین کے ان علاقوں سے اپنی فوجیں واپس بلا لے اور اپنے شہریوں کی علاقائی خودمختاری کا احترام کرے۔

فرانسیسی صدر نے خواہش کا اظہار کیا کہ چین روس پر دباؤ ڈالنے میں ہماری مدد کرے کہ وہ کبھی کیمیائی یا جوہری ہتھیار استعمال نہ کرے۔