اردو ورلڈ کینیڈا ( ویب نیوز)عوامی مسلم لیگ کے سربراہ اور سابق وفاقی وزیر داخلہ شیخ رشید احمد نے کہا ہے کہ حکومت کا مسئلہ مہنگائی اور بے روزگاری نہیں بلکہ عمران خان کی گرفتاری ہے جس کی قیمت انہیں چکانی پڑے گی۔
سماجی رابطے کی ویب سائٹ ٹوئٹر پر اپنے پیغام میں شیخ رشید احمد کا کہنا تھا کہ آصف زرداری کہتے ہیں نادہندہ ہونا معمول کی بات ہے کیونکہ ان کی دولت پاپڑ والے، دہی بھلے والے، امریکا میں بلورانی بلو کے گھر کے ذریعے بیرون ملک منتقل ہوئی ہے۔بلو رانی آج خواتین کا عالمی دن منا رہی ہے
اس حکومت کامسئلہ بےروزگاری مہنگائی اور
معاشی تباہی نہیں صرف عمران خان کی گرفتاری ہےجومہنگی پڑےگی اوربڑی غلطی ثابت ہوگی۔الیکشن کےمعاملے پرسپریم کورٹ کےفیصلوں کوبھی اگرحکومت نہیں مانتی توپھر قوم کدھرجائے۔حکومتی اتحاد میں پھوٹ پڑچکی ہے۔دو نہیں ایک انتخاب ہوگااس کافیصلہ بھی جلد ہوگا— Sheikh Rashid Ahmed (@ShkhRasheed) March 8, 2023
انہوں نے کہا کہ حکومت غریبوں کے مسائل حل کرنے کے بجائے اپنے مفادات کو حل کر رہی ہے، پاکستان کو غریبوں کے لیے ڈیتھ زون بنا دیا گیا ہے، اس حکومت کا مسئلہ بے روزگاری، مہنگائی اور معاشی تباہی نہیں، صرف عمران خان کی گرفتاری ہے
سابق وفاقی وزیر کا مزید کہنا تھا کہ حکومت نے الیکشن کے معاملے پر سپریم کورٹ کے فیصلوں کو تسلیم نہیں کیا تو قوم کہاں جائے گی۔ آئی ایم ایف سے معاملات طے نہیں ہورہے۔
