152

اردو ورلڈ کینیڈا ( ویب نیوز )  عمان سے ڈی پورٹ کیے گئے افغان شہری نور اسلام کو لاہور ایئرپورٹ سے گرفتار کر لیا۔

ترجمان ایف آئی اے کے مطابق ملزم فلائٹ نمبر ڈبلیو وائی 343 کے ذریعے لاہور پہنچا اور کارروائی ایف آئی اے امیگریشن عملے نے کی۔ تلاشی کے دوران ملزم سے افغانی پاسپورٹ اور جعلی پاکستانی پاسپورٹ برآمد ہوا۔

ایف آئی اے کے ترجمان کے مطابق ملزم نے پاکستانی پاسپورٹ پر ملازمت کی غرض سے ایران سے عمان جانے کی کوشش کی تھی۔ ملزم کو جعلی پاکستانی پاسپورٹ استعمال کرنے پر عمان سے ڈی پورٹ کیا گیا تھا۔

ایف آئی اے کے ترجمان کا کہنا ہے کہ ملزم کا تعلق افغانستان کے شہر کابل سے ہے اور اس نے ملازمت کے لیے پشاور میں ایک ایجنٹ کو 4 لاکھ 35 ہزار روپے دے کر پاکستانی پاسپورٹ حاصل کیا۔ترجمان ایف آئی اے کا مزید کہنا تھا کہ ملزم نے رقم ایجنٹ کے بینک اکانٹ میں جمع کروائی، ملزم واٹس ایپ نمبر کے ذریعے ایجنٹ سے رابطے میں تھا، ملزم کو قانونی کارروائی کے لیے اینٹی ہیومن ٹریفکنگ سرکل لاہور منتقل کردیا گیا۔