برطانیہ کے چانسلر جیریمی ہنٹ نے نئے مالی سال کا بجٹ پیش کیا جب کہ بچوں کی دیکھ بھال، مراعات اور پنشن سے متعلق اصلاحات کا بھی اعلان کیا گیا۔
برطانیہ کے پیش کیے گئے بجٹ میں میں توانائی کے بلوں کے لیے سالانہ 2500 پاؤنڈ کی قیمت کی حد میں تین ماہ کی توسیع کی گئی۔
جیریمی ہنٹ نے کہا کہ اگلے پانچ سالوں میں دفاعی بجٹ پر 11 بلین پاؤنڈ خرچ کیے جائیں گے، جبکہ صارفین کو پری پیمنٹ میٹر کے تحت اضافی ادائیگی نہیں کرنی پڑے گی، جس سے 40 لاکھ گھرانوں کو سالانہ45 پائونڈزکی بچت ہوگی۔ بجٹ میں بچوں کی دیکھ بھال، مراعات اور پنشن میں اصلاحات اور 50 سے زائد عمر کے افراد کو دوبارہ کام میں لانے کے لیے ایک نئے منصوبے کا اعلان کیا گیا ہے۔
بچوں کی دیکھ بھال، فوائد اور پنشن اصلاحات کے تحت، کام کرنے والے والدین کو بچوں کی دیکھ بھال کے اخراجات کے فی ہفتہ 30 گھنٹے تک ملیں گے۔فی الحال، حکومت 3-4 سال کے بچوں کے لیے فی ہفتہ 15 گھنٹے چائلڈ کیئر کے لیے ادائیگی کرتی ہے۔ب
برطانیہ کے میڈیا رپورٹس کے مطابق کام کرنے والے والدین کے 9 ماہ کے بچوں کی دیکھ بھال کے اخراجات بھی حکومت ادا کرے گی جب کہ فوائد حاصل کرنے والے والدین کو ایک بچے کے لیے 951 پاؤنڈ اور 2 بچوں کے لیے 1630 پاؤنڈز ادا کیے جائیں گے۔اس کے علاوہ صارفین کو پری پیڈ میٹر کے تحت اضافی رقم ادا نہیں کرنی پڑے گی۔ب
برطانیہ کے چانسلر جیریمی ہنٹ نے کہا کہ معاشی ترقی کے لیے ملک بھر میں 12 نئے انویسٹمنٹ زونز قائم کیے جائیں گے، حکومت ہر انویسٹمنٹ زون کو 80 ملین پاؤنڈز اور ٹیکس میں رعایت دے گی۔
برطانیہ کے چانسلرجیریمی ہنٹ نے کہا کہ برطانیہ تکنیکی طور پر اس سال کساد بازاری سے پاک ہوگا، افراط زر نصف سے 2.9 فیصد تک رہنے کی توقع ہے۔ برطانوی میڈیا کے مطابق جیریمی ہنٹ نے ایندھن پر ایک سال اور شراب پر مزید 6 ماہ کے لیے ڈیوٹی منجمد کر دی ہے۔
