اردو ورلڈ کینیڈا(ویب نیوز)سابق وزیر اعظم اور پی ٹی آئی کے سربراہ عمران خان نے لاہور میں زمان پارک میں ان کی رہائش گاہ پر اچانک سرچ آپریشن کرنے پر پنجاب پولیس کو تنقید کا نشانہ بناتے ہوئے کہا ہے کہ وہ اپنے گھر کا تقدس پامال کرنے پر قانون نافذ کرنے والے ادارے کے خلاف "فوری طور پر” عدالت میں جا رہے ہیں۔

انہوں نے کس قانون کے تحت گھر کا مرکزی دروازہ توڑا، درخت اکھاڑ پھینکے اور بھاری اسلحے کے ساتھ گھر میں داخل ہوئے؟ بیہودگی کی حد تو یہ ہے انہوں نے یہ سب اس وقت کیا جب میں عدالت میں پیشی کیلئے اسلام آباد روانہ ہوچکا تھا اور بشریٰ بی بی، جو مکمل طور پر ایک گھریلو

— Imran Khan (@ImranKhanPTI) March 18, 2023

ہفتے کے روز ٹویٹس کی ایک سیریز میں سابق وزیر اعظم نے کہا کہ ان کے گھر پر پولیس کا "حملہ” توہین عدالت ہے۔

انہوں نے مزید کہا کہ "ہم نے اس بات پر اتفاق کیا تھا کہ ایک ایس پی [پولیس سپرنٹنڈنٹ] ہمارے ایک لوگوں کے ساتھ سرچ وارنٹ کی تعمیل کرے گا کیونکہ ہمیں معلوم تھا کہ بصورت دیگر وہ خود سامان لاکر برآمد کریں گے۔”