اردو ورلڈ کینیڈا ( ویب نیوز)قاتل رانا ثنا ء اللہ ملک میں امن قائم نہیں ہونے دےگا پاکستان تحریک انصاف (پی ٹی آئی) کے رہنماؤں نے سابق وزیراعظم عمران خان سے متعلق رانا ثناء اللہ کے بیان پر ردعمل دیتے ہوئے کہا ہے کہ وزیر داخلہ قاتل شخص ہے جو ملک میں امن قائم نہیں ہونے دیں گے۔ .
میاں اسلم قبال کے ہمراہ میڈیا سے گفتگو کرتے ہوئے پی ٹی آئی رہنما ڈاکٹر یاسمین راشد نے کہا کہ اس وقت ملک میں قانون کی دھجیاں اڑائی جا رہی ہیں، انہوں نے 25 مئی جیسا نیا تماشا شروع کر دیا ہے۔
یاسمین راشد نے کہا کہ ہمارے 2 ہزار سے زائد کارکنوں کو اٹھایا گیا ہے، حسان نیازی کو صرف ہمیں پریشان کرنے کے لیے پورے پاکستان کا چکر لگایا جا رہا ہے۔
میاں اسلم اقبال نے کہا کہ آج ہماری ریاست حکمران ماں کا نہیں چڑیل کا کردار ادا کر ر ہی ہے۔ لالچی لوگ جب حکومت میں بیٹھے ہوتے ہیں تو انہیں بھی ایسے ہی نتائج ملتے ہیں۔ توجہ ہٹانے کے لیے پی ٹی آئی قیادت کے خلاف مقدمات درج کیے گئے۔ مہنگائی 3 گنا بڑھ گئی ہے۔
انہوں نے کہا کہ رانا ثناء اللہ کے عمران خان سے متعلق بیان کی مذمت کرتے ہیں، پوری دنیا عمران خان پر اعتماد کرتی ہے، وہ اپنے لیڈروں، نواز شریف، زرداری کے جوتے چاٹنے کے لیے ایسے بیانات دے رہے ہیں۔ مریم کے کرتوتوں کی وجہ سے آج پاکستان یہاں تک پہنچا ہے، آج ان کی طرف کوئی توجہ نہیں دے رہا۔
میاں اسلم اقبال نے مزید کہا کہ ان کے پاس جو کچھ ہے وہ ملک سے باہر ہے، وہ صرف تفریح اور بادشاہ بننے کے لیے پاکستان آتے ہیں، کہتے ہیں عمران خان کا وجود ختم کر دیں گے، مریم روز باہر جاتی ہیں اور چھوٹی چھوٹی میٹنگیں کرتی ہیں۔ یہ بند گلیوں میں نہیں، مینار پاکستان پر جلسہ کریں، 30 تاریخ کو الیکشن ہونے والا ہے، آپ کو اپنی مقبولیت کا پتہ چل جائے گا۔
