188
اردو ورلڈ کینیڈا ( ویب نیوز )ترجمان اسلام آباد پولیس نے کہا ہے کہ آج صرف ان افراد کو سپریم کورٹ کے احاطے میں داخلے کی اجازت ہوگی جن کے مقدمات کی سماعت شیڈول ہے۔
ترجمان اسلام آباد پولیس کے مطابق سپریم کورٹ میں آج صرف وہی افراد داخل ہوں گے جن کے مقدمات کی سماعت ہوگی یا جنہیں سپریم کورٹ انتظامیہ کی جانب سے اجازت نامہ جاری کیا جائے گا۔
ترجمان نے کہا کہ قانون کا احترام سب پر لازم ہے اور اس پر عمل درآمد برابری کی بنیاد پر کیا جائے گا۔
ترجمان نے شہریوں سے اپیل کی کہ وہ ریڈ زون میں تعینات پولیس اور دیگر قانون نافذ کرنے والے اداروں کے ساتھ تعاون کریں اور کسی بھی مشکوک سرگرمی کی اطلاع ‘کال 15’ پر دیں۔
