ردو ورلڈ کینیڈا ( ویب نیوز)تین سال کی بندش کے بعد چین اور پاکستان کے درمیان تجارت اور سفری سہولتیں پیر سے دوبارہ شروع

چین اور پاکستان کے حکام نے سی پیک کی سرگرمیوں اور دوطرفہ تجارت کی بحالی کے لیے خنجراب پاس کوریڈور کو دوبارہ کھولنے کے لیے تمام انتظامات مکمل کر لیے ہیں جس کے بعد سی پیک منصوبوں اور دوطرفہ تجارت میں ایک بار پھر تیزی آئے گی۔

ایک معاہدے کے تحت دونوں ممالک یکم اپریل سے 30 نومبر تک درہ خنجراب کے ذریعے سال بھر تجارتی اور راہداری سرگرمیاں انجام دیتے ہیں۔ معاہدے کے تحت یومیہ بس گلگت بلتستان کی سسٹ ویلی بارڈر پوائنٹ سے چین کے علاقے سنکیانگ کے لیے روانہ ہوتی ہے۔

چین پاکستان اقتصادی راہداری (CPEC) کے فریم ورک کے تحت نومبر 2016 سے یہ انتظام بہت اچھے طریقے سے جاری تھا لیکن نومبر 2019 میں اسے راہداری اور تجارت اور سفری انتظامات کے لیے بند کر دیا گیا۔

اس بندش کی وجہ کورونا کی وبا تھی۔ اس بندش سے ہزاروں لوگ بے روزگار ہو گئے۔