اردو ورلڈ کینیڈا ( ویب نیوز ) دنیا کا سب سے طاقتور اسٹار شپ راکٹ ٹیک آف کرنے کے لیے تیار ، راکٹ برسوں کی تیاری کے بعد ایلون مسک کی کمپنی اسپیس ایکس نے تیار کیا۔
10 اپریل کو، اسٹار شپ کو پہلی بار ٹیکساس میں SpaceX کے مرکز میں زمین کے مدار میں لانچ کیا جائے گا۔
ناسا نے اعلان کیا کہ انسان 2025 میں دوبارہ چاند کی سطح پر چلیں گے۔ایلون مسک پہلے ہی خبردار کر چکے ہیں کہ راکٹ کی آزمائشی پرواز میں کامیابی کے 50 فیصد امکانات ہیں۔
یہ بھی پڑھیں
فضلہ پلاسٹک کو قیمتی نینو ذرات میں تبدیل کرنے کی ٹیکنالوجی تیار
انہوں نے کہا کہ اس بات کا 50 فیصد امکان ہے کہ راکٹ چڑھائی کے دوران پھٹ جائے گا تاہم لانچنگ لوگوں کے لیے ناگوار نہیں ہوگی۔راکٹ 120 میٹر لمبا اور 50 لاکھ کلو گرام وزنی ہے اور آزمائشی پرواز میں کوئی انسانی موجودگی نہیں ہوگی۔
سٹار شپ دوبارہ قابل استعمال ہو گی اور بنیادی طور پر 2 حصوں پر مشتمل ہو گی۔ایک سپر ہیوی راکٹ بوسٹر ہے، جبکہ دوسرا وہ حصہ ہے جو انسانوں کو خلا میں لے جانے کے لیے بنایا گیا ہے۔
مزید پڑھیں
اے آئی ٹیکنالوجی پہلی مرتبہ لڑاکا طیارہ اڑانے میں کامیاب
آزمائشی لانچ کے دوران، سپر ہیوی بوسٹر خود کو الگ کر کے سمندر میں اترے گا جبکہ سٹار شپ زمین کے گرد چکر لگائے گی اور پھر سمندر پر اترے گی۔پوری پرواز 90 منٹ میں مکمل ہونے کی امید ہے۔3 بلین ڈالر کا یہ راکٹ ایک دن انسانوں کو چاند اور مریخ پر لے جائے گا۔
2025 میں انسانوں کو چاند پر بھیجنے کے ناسا کے مشن کی کامیابی کا انحصار بھی اسٹار شپ راکٹ پر ہوگا۔اسٹار شپ راکٹ کو سب سے پہلے چاند کی سطح پر بغیر پائلٹ کے تجربہ کیا جائے گا جس کے بعد اسے آرٹیمس 3 کے لیے استعمال کیا جائے گا۔
