اردو ورلڈ کینیڈا (ویب نیوز ) پاکستان تحریک انصاف اور جماعت اسلامی پاکستان کے درمیان مذاکرات کے معاملے پر چیئرمین تحریک انصاف عمران خان کی ہدایت پر تین رکنی کمیٹی قائم کر دی گئی ہے۔

کمیٹی کے قیام کا باضابطہ نوٹیفکیشن مرکزی سیکرٹری جنرل اسد عمر نے جاری کر دیا ہے۔
تین رکنی کمیٹی میں پرویز خٹک، سینیٹر اعجاز احمد چوہدری اور میاں محمود الرشید شامل ہیں۔
تحریک انصاف کی تین رکنی کمیٹی ملک میں جاری سیاسی بحران کے حوالے سے جماعت اسلامی پاکستان سے مذاکرات کرے گی۔
یاد رہے کہ ملک میں جاری سیاسی کشیدگی کو کم کرنے کے لیے امیر جماعت اسلامی سراج الحق نے گزشتہ روز لاہور میں وزیراعظم شہباز شریف اور سابق وزیراعظم عمران خان سے الگ الگ ملاقاتیں کی ہیں۔
امیر جماعت اسلامی سراج الحق نے شہباز شریف اور عمران خان کو مذاکرات کی دعوت دی ہے۔