187
اردوورلڈ کینیڈا ( ویب نیوز)بھارتی اداکار جوڑی سنجے دت اور ارشد وارثی اپنی کامیاب فلم ’آوارہ پاگل دیوانہ‘ کے سیکوئل میں ایکشن کامیڈی ہیرو اکشے کمار کے مدمقابل نظر آئیں گے۔
بھارتی میڈیا نے اپنے ذرائع سے دعویٰ کیا ہے کہ فلم کی ہدایات احمد خان دیں گے جب کہ پہلے حصے کے اسٹار اداکار پریش راول، جانی لیور اور سنیل شیٹھی بھی ٹیم کا حصہ ہوں گے۔
ذرائع نے بتایا ہے کہ ‘آوارہ پاگل دیوانہ 2’ میں کئی سپر اسٹارز جلوہ گر ہوں گے اور یہ کاسٹ اور بجٹ کے لحاظ سے ایک بڑی فلم ہوگی، جب کہ آئندہ چند ماہ میں اس فلم میں کچھ اور بڑے نام بھی شامل ہوسکتے ہیں۔
فلم ’آوارہ پاگل دیوانہ 2 اس وقت پری پروڈکشن کے مرحلے میں ہے جب کہ دوسری جانب ہدایت کار احمد خان اور پروڈیوسر فیروز ناڈیا والا فلم کے اسکرپٹ پر کام کر رہے ہیں۔
