اردو ورلڈ کینیڈا( ویب نیوز )  امریکی نائب معاون وزیر برائے پاکستان الزبتھ ہوسٹ نے واشنگٹن میں ایک تقریر میں کہا کہ امریکہ تکنیکی مصروفیات اور مدد کے ذریعے پاکستان کی حمایت جاری رکھے گا۔

انہوں نے کہا کہ ایک سال میں پاک امریکا سیکیورٹی تعلقات میں بہتری آئی ہے، افغانستان دہشت گردوں کی پناہ گاہ نہیں بننا چاہیے

اس مقصد کے لیے امریکی انخلا کے بعد پاک امریکا تعاون جاری ہے۔ الزبتھ ہوسٹ کا مزید کہنا تھا کہ پاکستان کی طرح امریکا کو بھی ٹی ٹی پی کے بارے میں تشویش ہے اور طالبان کو اپنے وعدے پورے کرنے کے لیے دباؤ ڈالنا ہمارے مشترکہ مفاد میں ہے۔ امریکی نائب معاون وزیر برائے پاکستان نے بھی پاکستان کی معاشی صورتحال پر تشویش کا اظہار کیا۔